.
2009 වසර අවසන් වෙලා 2010 වසර උදාවෙන්න තව පැය කීපයයි.මේ විදියට වසර කීපයක් අපි පහු කලාද..? ඒ හැම එකකටම වඩා මේ අවුරුද්ද සුවිශේෂයි.පෞද්ගලිකව මගෙ පැත්ත බැලුවොත් වසර ආරම්භයෙදිම රට රස්සාවෙන් මිදිලා ලංකාවට එන්න අවස්ථාව උදාකරගන්න පුලුවන් වුනා.ඒ වගේම මගෙ විවාහය සිදුවුනෙත් මේ ගෙවීයන අවුරුද්දෙ මාර්තු මාසෙ.තවත් ඉදිරියට ගියොත් මගෙ දයාබර බිරිඳ දැන් දරු ප්රසූතියකට සූදානම් වෙමින් ඉන්නවා.ඒ අතින් බැලුවම මේ වසර මගෙ ජීවිතයට ඉතාමත් වැදගත්.
පොදුවේ රට ගැන හිතුවොත් අවුරුදු තිස් ගණ්නක් තිස්සෙ ඇදිලා ගිය LTTE ත්රස්තවාදය නිමාවෙලා තියනවා.උපන්දා සිට අහන්න දකින්න විඳින්න ලැබුන මේ කරදරයට මතු පරපුරට මුහුනදෙන්න වෙන්නැති එකම ලොකු දෙයක්.ඒ තුලින් ලබන්නාවු නව වසරත් සමඟ රටට හොඳ අනාගතයක් උදාවේවි යැයි මම සිතුවා.එත් වසර අවසන් වෙන්නටත් පළමුව සියලුම දේශපාලන පක්ෂ කා කොටාගනිමින් නටන නාඩගම දැක්කම අනේ අපොයි කියලා හිතෙනවා.පක්ෂ විපක්ෂ ලෙස රටේ අනාගතය වෙනුවෙන් හරවත් සංවාදයක යෙදෙනවා වෙනුවට අද දවසේ මොවුන් මේ කරන්නෙ කුමක්ද..?
වචනයෙන් විස්තර නොහැකි ජුගුප්සාජනක දේ කියමින්, කරමින්, විලි ලැජ්ජානැති විදියට හැසිරෙමින්, මොවුන් මේ පොර කන්නේ කුමකටද..?
මේ රට සුරපුරක් කරන්නලු....!
ජනතාව සුඛිත මුදිත කරන්නලු....!
අඳෝමැයි.....
සියලු අලකලංචි මැද කලය ගෙවීයනු ඇත.නව වසරක් උදාවනු ඇත.ලබන්නාවූ නව වසරේ බ්ලොග් කියවන ලියන සැමටත්, රටවැසි සියලු දෙනාටමත්, යහපතක්ම වේවායි මම හදවතින්ම සුභ පතමි.
Labels: නිදහස් අදහස්, පෞද්ගලික
බොහෝ විට ඡායාරූප ශිල්පීන් ඡායාරූපයට නගන්නෙ අප අවට පරිසරය සහ අප අවට සිටින පුද්ගලයන්.තමන්ව ඡායාරූපයකට නගාගන්න උවමනානම් අපි වෙන කෙනෙක්ගෙ සහය පතනවා.තමන්ව තමන්ටම ඡායාරූපයකට නගාගන්න කෙනෙක්ට හිතෙන්නෙ කලාතුරකින්.එක අතකට ඒක ආත්මර්ථකාමී අදහසක්.මගෙ පරිඝනකය අවුස්සද්දි මට ඒ විදියෙ ඡායාරූපයක් හමුවුනා.බලන්නකො කොහොමද කියලා. අවුරුදු හතකට පමණ පෙර මට මෙහෙම එකක් ගන්න හිතුනෙ මොකද කියලා මට දැන් මතක නෑ.ඩිජිටල් කැමරාවක් අතින්වත් අල්ලල නොතිබුන එ කාලෙ ෆිල්ම් රෝල් වලට සල්ලි වියදම් කර කර කරලතියන දේවල් දැක්කම හිනත් යනවා.ඒත් ඔය කැමරාවෙන් සෑහෙන දෙයක් ඉගෙනගත්තා.එකත් ලොකු දෙයක්නෙ.
Labels: ඡායාරූපකරණය
කාලයක් තටම තටම ඉඳල ඔන්න මමත් මටම කියල ගෙදරටම අන්තර්ජාල සම්බන්දතාවය ගත්තා.කාලයක් දුරු රටක තනිවෙලා ඉද්දි අන්තර්ජාලෙට ඇබ්බැහි වුන මට එකෙන් මිදෙන්නම බෑ දැන්.දැන් කලෙ හැටියට වෙන දහ ජරාවකට පුරුදුවෙනවට වඩා මෙක හොඳයිනෙ.
මෙහෙයුම පටන් ගනිද්දි මට තිබුනෙ සිටි ලින්ක් ෆෝන් එකක්.මුලින්ම ටෙලිෆෝන් ලයින් එක ඉල්ලුවා.ඔන්න සල්ලි බඳින්න කීවා.එසැනින් සල්ලි බැන්දා.සතියක් යන්න කලින් ඇවිල්ලා හයි කරල ගියෙ නැද්ද ෆෝන් එක.ඊට දවස් තුනකට පස්සෙ සම්බන්දතාවයත් දුන්නෙ නැද්ද.එදා හවසම කතා කරලා අහුවා කෝ මගෙ අන්තර්ජාලෙ කියල.දවස් තුන යද්දි දෙනවා කීවා.මේ වෙනකොට මම මොඩම් එක එහෙම ගෙනල්ලා දතකට මැදගෙන හිටියෙ.ඉවසන් ඉන්න බැරි තැන මන් දවස් දෙකෙන් ආයෙ කතා කරලා බැලුවා.දැන් අන්තර්ජාලය දීලා තියෙන්නෙ කියල කීවා.ඔන්න මන් වැඩේට බැස්සා.වැඩේ ගොඩ.රෑ ටොරන්ට් එකක් බෑවෙන්න දාලා නිදාගත්නා.උදේ බලද්දි ටොරන්ට් එක 97%. ඒත් ජන්ජාලෙ හිටලා.ADSL වලට අදාල LED එක බ්ලින්ක් වෙනවා.දන්න විදියට බැලුවා හරි ගියෙම නෑනෙ.අයෙ කතා කලා අදාල අංශ වලට පැය 2-3 යද්දි අවෙ නැද්ද ගෙදරටම.එයලා බලල කීවා මොඩම් එක අප්සෙට් කියලා.පහුවදාම ගිහින් මොඩම් එක දීලා රවුටර් එකක් ඉල්ලුවා.රවුටරේ ගනන් වැඩි නිසා වැඩිපුර මුදල අරන් ඔන්න එකත් දුන්නා.ගෙදර ආවා.රවුටර් එක සම්බන්ද කලා.දැන් කිසි හෙනයක් නෑ. මම ගත්තෙ 512 සීමා රහිත සම්බන්දතාවය (බාන බෑවිල්ලට මොන සීමාවල්ද )ස්පීඩ් ටෙස්ට් කරපු හැම වෙලේම 512ට වඩා තිබුනා.දැන් නම් මාර සනීපයි. (බිල එනකල් )
ඊට වඩා ආතල් qsFOX ඇඩෝන් එක.ඒක නම් පට්ට.හදපු අයට තව තවත් මේ වගේ දේවල් කරන්නට ශක්තිය ලැබෙන්න කියලා හදවතිනම සුභ පතනවා.
Labels: පෞද්ගලික
Labels: නිදහස් අදහස්
හතේ හත කීවට නරකක් නෙමේ.පොඩි වෙනසක්. ඔන්න මටත් Windows 7 දාලා බලන්න රුදාවක් තිබුනා කලෙක ඉඳලා.ඔන්න දැන් ඒ අමාරුව හොඳයි.තාමනම් හරිම මටසිලුටුයි. සුන්ම්යයි. ලඟදි ගෙනා මනමාලි වගේ. එකට වැඩ කරගෙන යද්දිනෙ ඉතින් ප්රස්න එන්නෙ. Drivers වල නම තාම ගැටලුවක් ආවෙ නෑ. Scanner එකත් Install කලා.
ඔන්න බලන්නකො මගෙ Desktop එකේ හැඩ වැඩ.
Windows Mesia Senter එකට මගේ MP3 තොගය සම්බන්ද කරලා අමරදේව මහත්තයගෙ සින්දුවක් අහද්දි පෙනුනෙ මේ විදියට.
ඔයාලටත් 7 වැදුන විදිය අපිටත් කියන්න....
Labels: Windows 7
ටික දවසකින් බ්ලොග් පෝස්ට් එකක් දාන්නත් බැරි උනානෙ.අද අයෙත් විවාදාත්මක ඡායාරූප ටිකක් හම්බුනා.දන්න කෙනෙක් අපිට පැහැදිලි කරලා දෙන්න මේ දිය කිඳුරෙක්මද කියලා.
Labels: පරිසරය
තියන ප්රස්න මදිවට තව වලස්සුන්ගේ ප්රස්නත් ලියනවා කියලා මට බනින්න එහෙම එපා.මේක සරල බුද්ධි පරීක්ෂනයක්.උත්සහ කරලා බලන්න උත්තර දෙන්න පුලුවන්ද කියලා.
ප්රස්නෙ මේකයි. එක වලහෙක් තමන් ඉන්න තැන ඉඳන් කි.මි. 1 ක් දකුණට ගමන් කරනවා.ඊට පස්සේ එතන ඉඳන් කි.මි. 1 ක් නැගෙනහිරට ගමන් කරනවා.ඊටත් පස්සෙ උතුරට කි.මි. 1 ක් ගමන් කරනවා.මගෙ ප්රස්නෙ මේකයි.ඔය ගමන අවසානයේ වලහා නැවතත් මුලින් හිට්පු තැනටම ආවානම් මේ වලහගෙ පාට මොකක්ද..?
බැලූ බැල්මට විහිලුවක් වගේ පෙනුනට මෙකට ඉතාම තර්කානුකූල උත්තරයක් තියනවා.එහෙනම් උත්සහ කරලා බලන්න.
Labels: විවිධ
Labels: විවිධ
Labels: ඡායාරූපකරණය
දැන් වැඩේ නැගලා යනවනෙ.මෙන්න එහෙනම් තවත් එකක්.මෙකෙ පොහොට්ටුත් තියනවා.හැබැයි මමත් මේ මල් හැබැහින් නම් දැක්කෙ නෑ.
Labels: පරිසරය
මම නැට්ටුවා කියලා දාපු පොස්ට් එකට හොඳ ප්රතිචාර තිබුනා.මම දාපු ඒ Photo බලලා කෙනෙක් අහල තිබුනා ලියතඹරා මල ගැන.මෙන්න එහෙනම් ලියතඹරා මලත් බලාගන්න.ඇත්තටම මොකද හිතෙන්නෙ.තවුසන්ගෙත් දැහැන බිඳුනලු....!
Labels: පරිසරය
උවමනාවකට ලඟ ගෙදරකට ගිය වෙලාවෙ ඒ ගෙදර මල්ලිලා දෙන්නා මට ලස්සන මලක් පෙන්නුවා. ඉතින් ඒ මලේ සුන්දරත්වය සිංහල බ්ලොග් බලන අයත් එක්ක බෙදාගන්න මම හිතුවා.
මේ මලේ නම මම නම් හරියටම දන්නෙ නෑ. ඒ මල්ලිලා නම් කීවේ "නැට්ටුවා" කියලා. ඒක ඇත්තම නමද නැත්නම් මේ මලේ පෙනුම එ වගේ නිසා කීවද කියලත් හිතාගන්න බෑ. මේ ගැන වෙනත් තොරතුරු දන්න කෙනෙක් ඉන්නවනම් විස්තර ලියන්න.
Labels: පරිසරය
ඉස්සර කාලෙ පැරැන්නො කීවෙ වැලේ ගෙඩි වැලට බර නෑ කියලා.එත් පස්සෙ කාලෙක පුංචි පවුල රත්තරන් වුනා.මේ පරිවර්තනය ගොන් කරත්තෙන් ගිය අපි මෝටර් රථයට මාරු වුනා වගේ ලෙහෙසිය පහසුව නිසා වුන දෙයක්ද? බටහිරයන් අපේ මේ ආකල්පය සැබවින්ම වෙනස් කලේ අපේ රටට ඔරොත්තු නොදෙන තරමින් අපේ රටේ ජනගහනය වැඩිවී එය අප රටේ දියුනුවට බාදාවක් වේවි යැයි සිතූ නිසාද? නැතිනම් ඕනෑම බටහිර ආකල්පයක් හිස් මුදුනින් බාරගන්නා අපේ මෝඩකමින් ප්ර යොජන ගෙන ශ්රිත ලාංකික ජාතිය විනාස කිරීමටද?එය තහවුරු වන්නේ ලෝකයේ වඳවන ජාතීන්ගේ ලෙඛනයට අපේ ජාතියද එක්වී ඇති බැවිනි. ඉතා සරල ලෙස හිතා බැලුවහොත් අද කාලයේ පවුල් කීයක නම් දරුවන් දෙදෙනෙකුට වඩා සිටීද? විවාහයකදී දෙදෙනෙකුගේ එකතුවෙන් දරුවන් දෙදෙනෙක් හෝ ඊට අඩුවෙන් ලැබේනම් පරම්පරා කිහිපයකදී සිදුවන දෙය සිතාගත හැකිය.
ඒ අතරම දරුවන් හැදීම පලනය කරන්නට බොහෝ අය පෙළඹෙන්නෙ අර්ථික හේතු පදනම් කරගෙන බව පිළිගතයුත්තකි.අද සමාජය තුල පවතින අතිශය කර්යබහුලභාවයද පිළිගත යුතු කරණයකි.බොහෝ කාන්තාවන් පෙරට වඩා අද කාලයේ රැකියාවල යෙදීම තවත් කරණයකි.මේ සියල්ල අප බටහිරකරණය වීම නිසා සිදුවූ දේවල් වුවත් දැන් අප සමජයට ආපසු හැරීමේ හැකියවක් නැත.
කෙසේ නමුත් බටහිරයන් විසින් කපා දුන් විනාශයේ මවත දිගේ ගමන් කරමින් සිටින බව අප අකමැත්තෙන් වුවත් පිළිගතයුතුද?
Labels: නිදහස් අදහස්
මාස ගානකින් බ්ලොග් එකක් ලියන්න බැරි වුනා.මුලින්ම එකට හේතු කියන්න එපායැ.මම අවුරුදු 8ක් සෞදි අරබියෙ රැකියව කරලා පෙබරවාරි මාසෙ ලංකාවට ආවා.මර්තු මාසෙ යුග දිවියටත් එළඹුනා කියමුකො.ඊට පස්සෙ රැකියවට යන්න පටන් ගත්තා.දැන් Studio එකක Graphic Designer කෙනෙක් විදියට රැකියාව කරනවා.හැමදේම හොඳයි.එත් ඉතින් අන්තර්ජාලය නැතුව ඉන්න පුලුවන් කටද නේද? ගෙදර තියෙන්නෙ සිටි ලින්ක් ෆෝන් එකක්.දැන් ADSL ගන්න වෙහෙසෙනවා.තාම වැඩේ මඟ.ඔන්න ඔය අතරෙ මන් වැඩ කරන තැනට අන්තර්ජාලය ගත්තා.දැන් මටත් ආයතනයටත් හානියක් නොවෙන විදියට බ්ලොග් එක දිගටම ලියන්නයි කල්පනාව.කාලයක් නොලියපු නිසා මගෙ බ්ලොග් එක සින්ඩියෙන් අයින් කරලා තිබුනෙ.අයෙම ඉල්ලීමක් කරලා එකත් හදාගත්තා.ඒ වැඩ කටයුතු කරන අයටත් ගොඩක් ස්තුතියි.
Labels: පෞද්ගලික